Биыл мемлекеттің білім беру грантын тағайындауға арналған конкурсқа 91 мыннан аса талапкер қатысып, оның 36 мыңдайы ғана мемлекет грантын жеңіп алғаны белгілі. Енді әр талапкерге өз атынан несие алып, қарызын ЖОО бітіргеннен кейін төлеуге мүмкіндік туып отыр. Несиенің пайыздың деңгейі талапкердің үлгеріміне байланысты белгіленеді.   Дегенмен, әр банктің пайыздың деңгейі әр түрлі. Атап айтқанда, «Қазақстан Халық Банкі» - 15% , «БТА» - 8% ден - 13% пайызға дейін, «Альянс Банк» - 9% , «Ресей жинақ банкі» - 14% пайыз деп көрсеткен. Несиенің қайтарымдық мерзімі «Қазақстан Халық Банкі» мен «БТА» - 10 жыл, «Альянс Банк» - 17 және «Ресей жинақ банкі» - 12 жыл деп белгілеп отыр. 

Забира Оразалиева, «Қаржы Орталығы» АҚ президенті:
-Талапкердің үлгерімі жоғары болып жатса, онда біз 90 пайызға дейін өз кепілдемемізді береміз банктің алдында. Бұл несиелердің жақсылығы бүкіл оқу уақытында, оқу мерзімі кезінде төламақы төленбейді банкке, үстемақысы ғана төленіп отырады. БТА мен Халық Банкке үстемақы төленіп отырады, қалған банкке оқуын бітіріп болғаннан кейін, одан кейін жарты жыл жұмысқа орналасуға мүмкіндік беріледі де жарты жыл өткеннен кейін ғана төлеуге болады.

Ерлан Сыдықов, Л.Н.Гумилев атындағы Еуразия Ұлттық университетінің ректоры: 
-Білім де өнім оның да құны бар. Ақылы оқу деген бар. Оған барлық талапкердің мүмкіндігі жете бермейді. Несиеден қорқатан ештеңе жоқ, өйткені 5 жылға дейін оқу аяқталғанға дейін несие беріледі. Оны дипломын алғанға шейін қайтарудың қажеті жоқ, талапкер оны ерте жауып тастаймын десе де өзі біледі. Бүкіл әлемде студенттер оқып жүріп қаржы табады ғой. Біздің оқу орны да соны ескеріп, жаз айларында талапкердің жұмыс істеуіне жағдай жасауға мүмкіндігінше көмек береді.